Брэсцкі дзяржаўны тэхнічны ўніверсітэт сустрэў сваё 59-годдзе маштабнай праграмай мерапрыемстваў, якая стартавала ў фае другога паверха галоўнага корпуса. Ва ўрачыстай атмасферы выкладчыкі, студэнты і госці сабраліся разам, каб адзначыць гэты важны дзень у гісторыі ВНУ.

Рэктар БрДТУ, Сяргей Антонавіч Каспяровіч, звярнуўся да прысутных з прывітальным словам, адзначыўшы дасягненні ўніверсітэта за мінулы год і падзякаваўшы ўсім супрацоўнікам і студэнтам за ўклад у развіццё навучальнай установы.

У рамках урачыстасці адбылася акцыя «Праспяваем гімн разам». Удзельнікі мерапрыемства, аб'яднаныя агульным настроем, выканалі гімн БрДТУ, які стаў сімвалам адзінства і гонару за альма-матэр.

Адной з цэнтральных падзей стала традыцыйнае разразанне святочнага торта, які быў упрыгожаны сімволікай універсітэта. Госці мерапрыемства маглі паспрабаваць смачны пачастунак і павіншаваць адзін аднаго з днём нараджэння БрДТУ.

Атмасферу свята дапоўнілі яркія выступленні творчых калектываў, якія прадставілі гледачам музычныя нумары і танцавальныя кампазіцыі. Студэнты паказалі свае таленты і падарылі прысутным масу станоўчых эмоцый.

Праграма святочных мерапрыемстваў працягнецца, Сачыце за нашымі абнаўленнямі!