У актавай зале Брэсцкага дзяржаўнага тэхнічнага ўніверсітэта прайшла грандыёзная падзея — Гала-канцэрт «Новыя зоркі БрДТУ». Гэты вечар стаў кульмінацыяй серыі творчых спаборніцтваў, якія разгарнуліся на факультэтах універсітэта з самага пачатку навучальнага года. У фінальным канцэрце былі сабраны самыя яркія і відовішчныя нумары, якія прайшлі строгі адбор журы і глядацкае галасаванне.

«Новыя зоркі» — гэта свайго роду стартавая пляцоўка, якая прадстаўляе магчымасць студэнтам-першакурснікам бліжэй пазнаёміцца адзін з адным і стаць часткай дружнай універсітэцкай сям'і.

Канцэртная праграма налічвала 25 лепшых нумароў, прадстаўленых першакурснікамі. Сярод іх — эфектныя танцавальныя пастаноўкі, магутныя вакальныя кампазіцыі, арыгінальныя выступленні ў тэатральных жанрах, а таксама работы ў галіне журналістыкі і мастацкай творчасці.

Кульмінацыйным момантам мерапрыемства стала ўрачыстае ўручэнне дыпломаў пераможцам і ўдзельнікам конкурсу. Па выніках ацэнкі журы і вынікаў адборачных этапаў, I месца заняў архітэктурна-будаўнічы факультэт. Сярэбраным прызёрам стаў факультэт электронна-інфармацыйных сістэм, а бронза дасталася факультэту інжынерных сістэм і экалогіі. Дыпломам у намінацыі «Зорная група БрДТУ» ўзнагароджана група архітэктурна-будаўнічага факультэта А-50.

Віншуем нашых першакурснікаў з паспяховым пачаткам шляху ў вялікай і дружнай універсітэцкай супольнасці! Жадаем далейшых поспехаў у вучобе, навуковых пошуках і спартыўных дасягненнях, а таксама імклівага росту ў творчым і арганізатарскім кірунку!