1 лістапада 2024 года ў Ліцэі горада Жабінка адбылася важная падзея — урачыстае адкрыццё новага інжынернага класа. Мерапрыемства прайшло ў атмасферы свята, бо гэты крок стаў пачаткам вялікага супрацоўніцтва паміж адукацыйнымі ўстановамі і прамысловасцю рэгіёна.

Галоўнай падзеяй адкрыцця стала падпісанне трохбаковага пагаднення паміж ліцэем г. Жабінка, Брэсцкім дзяржаўным тэхнічным універсітэтам і двума вядучымі прадпрыемствамі рэгіёна — Жабінкаўскім цукровым заводам і Брэсцкім мясакамбінатам. Гэты дакумент замацаваў доўгатэрміновае партнёрства, накіраванае на развіццё тэхнічнай адукацыі і падрыхтоўку высокакваліфікаваных спецыялістаў.

Пагадненне прадугледжвае сумесную дзейнасць па стварэнні ўмоў для паглыбленага вывучэння інжынерных дысцыплін сярод навучэнцаў ліцэя. Важна адзначыць, што навучэнцы атрымаюць доступ да сучасных лабараторыях і вытворчых пляцоўках прадпрыемстваў-партнёраў, што значна павысіць узровень практычнай падрыхтоўкі будучых інжынераў.

Для ўдзельнікаў мерапрыемства былі арганізаваны інтэрактыўныя пляцоўкі, якія прадстаўляюць розныя факультэты БрДТУ. Навучэнцы ліцэя змаглі бліжэй пазнаёміцца з напрамкамі падрыхтоўкі, Умовамі паступлення, а таксама дадатковымі магчымасцямі, якія адкрываюцца перад імі падчас вучобы ва ўніверсітэце. Вучні мелі магчымасць задаць пытанні, абмеркаваць перспектывы далейшага прафесійнага росту і атрымаць парады па выбары спецыяльнасці.

Урачыстае адкрыццё інжынернага класа стала значнай падзеяй Брэсцкага рэгіёна. Яно дэманструе імкненне да развіцця тэхнічнай адукацыі, інтэграцыі навукі і вытворчасці, а галоўнае — гатоўнасць ствараць умовы для паспяховага старту будучых прафесіяналаў.