1 лістапада 2024 года ў Брэсцкім дзяржаўным тэхнічным універсітэце адбылася важная сустрэча — дыялогавая пляцоўка, прысвечаная прававому выхаванню і інфармацыйнай бяспецы сярод студэнтаў. Мерапрыемства прайшло ў фармаце жывога дыялогу, дзе спікерам выступіў старшы оперупаўнаважаны ўпраўлення па супрацьдзеянні кіберзлачыннасці УУС Брэсцкага аблвыканкама Уладзіслаў Уладзіміравіч Шкуцька.

Уладзіслаў Уладзіміравіч падзяліўся з аўдыторыяй каштоўным вопытам, распавёўшы аб сучасных відах махлярства ў кіберпрасторы. Студэнты даведаліся аб рэальных прыкладах ашуканскіх схем, з якімі сутыкаюцца спецыялісты яго падраздзялення, а таксама калегі з Расійскай Федэрацыі. Асаблівая ўвага была ўдзелена важнасці беражлівага абыходжання з асабістымі дадзенымі ў сацыяльных сетках.

Пасля выступлення студэнты атрымалі ўнікальную магчымасць задаць пытанні, якія іх цікавяць, і абмеркаваць актуальныя тэмы, якія тычацца абароны асабістай інфармацыі ў эпоху лічбавых тэхналогій. Усе прысутныя адзначылі высокую актуальнасць паднятых тэм і карыснасць атрыманай інфармацыі.

Інфармацыйная бяспека сёння — гэта адзін з ключавых складнікаў жыцця кожнага чалавека. Мы дзякуем усім удзельнікам за цікавасць і актыўны ўдзел у дыялогавай пляцоўцы!