З 30 кастрычніка па 1 лістапада дэлегацыя Брэсцкага дзяржаўнага тэхнічнага ўніверсітэта прымае ўдзел у Міжнароднай канферэнцыі па пытаннях інтэграцыі вытворчасці, адукацыі, даследаванняў і іх рэалізацыі-2024 у Харбінскім інжынерным універсітэце (Кітайская Народная Рэспубліка). Мерапрыемства спрыяе ўмацаванню супрацоўніцтва з навукова-даследчымі інстытутамі і ВНУ Кітая, Расіі і Беларусі, пашырэнню каналаў узаемадзеяння, а таксама паглыбленню супрацоўніцтва ў галіне вытворчасці, навукі, адукацыі і трансфармацыі тэхналогій.

Брэсцкі дзяржаўны тэхнічны універсітэт прадстаўляюць загадчык кафедры інтэлектуальных інфармацыйных тэхналогій Галаўко У.А., дэкан факультэта электронна-інфармацыйных сістэм Парфіевіч А.М., загадчык лабараторыі прамысловай робататэхнікі Касьянік В.В., прафесар кафедры ИИТ Чичурин А.В., старшы выкладчык кафедры ИИТ Крощенко А.А.

У рамках канферэнцыі адбылося падпісанне пагаднення аб супрацоўніцтве паміж Харбінскім інжынерным універсітэтам і Брэсцкім дзяржаўным тэхнічным універсітэтам, якое прадугледжвае ўзаемадзеянне як у галіне падрыхтоўкі інжынерных кадраў, так і ў рамках навукова-даследчай работы.

31 кастрычніка прадстаўнікі БрДТУ выступілі з дакладамі на секцыі «Тэхналогіі і прымяненне штучнага інтэлекту» Міжнароднай канферэнцыі па пытаннях інтэграцыі вытворчасці, адукацыі, даследаванняў і іх рэалізацыі. У працы секцыі прынялі ўдзел больш за 150 навукоўцаў з універсітэтаў, прадпрыемстваў і навукова-даследчых устаноў Рэспублікі Беларусь, Расійскай Федэрацыі, Кітайскай Народнай Рэспублікі і Ірана. На пасяджэнні абмеркавалі тэхналогіі прымянення штучнага інтэлекту і новых матэрыялаў, пытанні марской інжынерыі і экалагічна чыстых судоў.