З пачатку новага навучальнага года кафедра цеплагазазабеспячэння і вентыляцыі (ЦГВ) Брэсцкага дзяржаўнага тэхнічнага ўніверсітэта праводзіць факультатыўны курс «У свеце тэхнікі і тэхналогій: выбіраем інжынерную прафесію» для вучняў інжынерных класаў гімназіі №2 горада Брэста.

Праект стартаваў у 2023 годзе і ўключае серыю мерапрыемстваў, прадугледжаных гадавым планам работы з інжынернымі класамі і Дарожнай картай супрацоўніцтва паміж універсітэтам і УП «Брэстаблгаз». Курыруе гэты праект кафедра ЦГВ, а таксама загадчыца кафедры фізікі Т.Л. Кушнер і старшы выкладчык кафедры матэматыкі і інфарматыкі М.М. Юхимук.

У верасні навучэнцы інжынерных класаў ужо правялі сустрэчы з загадчыкам кафедры ЦГВ У.Г. Навасельцавым, які пазнаёміў іх з лабараторным абсталяваннем і навучальнымі матэрыяламі кафедры. Плануецца далейшае пашырэнне праграмы, якое ўключае дадатковыя заняткі па розных напрамках тэхнічных спецыяльнасцяў універсітэта, каб прыцягнуць таленавітых абітурыентаў.

Па словах кіраўніцтва гімназіі, каля 19% выпускнікоў-гімназістаў гэтага года паступілі ў БрДТУ на розныя спецыяльнасці, што з'яўляецца рэкордным паказчыкам за апошнія гады.