У гонар 85-годдзя ўз'яднання БССР і Заходняй Беларусі 18 верасня ў БрДТУ прайшоў адкрыты дыялог «Мы разам назаўжды». У якасці гасцей былі запрошаны старшыня Брэсцкага гарадскога савета ветэранаў Ганна Тарасаўна Анішчук і алімпійская чэмпіёнка 2004 года ў бегу на 100 метраў, заслужаны майстар спорту Рэспублікі Беларусь, ганаровы грамадзянін горада Брэста Юлія Віктараўна Несцярэнка.
«Беларускі народ амаль 20 гадоў жыў падзеленым на дзве часткі, калі сваякі апынуліся па розныя бакі межаў. І толькі 17 верасня 1939 года паклала пачатак адраджэнню беларускага народа ў адзінай дзяржаве», — падкрэсліла ў сваім выступе Ганна Тарасаўна. Яе словы кранулі сэрцы ўсіх прысутных, нагадаўшы пра важнасць гэтай падзеі для нашай краіны.
Сапраўдным сюрпрызам стала выступленне Юліі Віктараўны Несцярэнка. Яе гісторыя поспеху, поўная цяжкасцяў і дасягненняў, выклікала непадробную цікавасць у студэнтаў. Жывая гаворка чэмпіёнкі, напоўненая эмоцыямі і натхненнем, нікога не пакінула абыякавым.
