Міжнародная навукова-практычная канферэнцыя «атамныя салдаты», прайшла 13 верасня ў актавай зале Брэсцкага дзяржаўнага тэхнічнага ўніверсітэта. Канферэнцыя была прысвечана 75-годдзю выпрабавання першай атамнай бомбы ў СССР і 70-годдзю агульнавайсковых вучэнняў з ужываннем атамнай бомбы на Тоцкім палігоне.

У мерапрыемстве прынялі ўдзел ветэраны ядзерных выпрабаванняў і падраздзяленняў асаблівай рызыкі Беларусі і Расіі, вайскоўцы, прадстаўнікі грамадскіх арганізацый і моладзь. З прывітальным словам перад удзельнікамі канферэнцыі выступіў рэктар БрДТУ Сяргей Антонавіч Каспяровіч.

Удзельнікі канферэнцыі абмеркавалі больш за 20 дакладаў, якія распавядаюць пра гісторыю ядзерных выпрабаванняў праведзеных Савецкім Саюзам, ваенна-палітычным і гістарычным значэнні Тоцкіх вайсковых вучэнняў, а таксама аб пытаннях забеспячэння атамнай і радыяцыйнай бяспекі на тэрыторыі Саюзнай дзяржавы Расіі і Беларусі.

Арганізатарамі мерапрыемства выступілі Брэсцкае абласное грамадскае аб'яднанне «Доблесць і гонар», Брэсцкі абласны савет грамадскага аб'яднання «Беларускі камітэт ветэранаў падраздзяленняў асаблівай рызыкі», кафедра ўсеагульнай гісторыі БрДУ ім. А.С.Пушкіна, ваенная кафедра і кафедра гуманітарных навук БрДТУ.

Відэасюжэт ТРК Брэст
Фотарэпартаж