Урачыстае ўручэнне заліковых кніжак студэнтам першага курса, якія навучаюцца па спецыяльнасці « інжынерныя сеткі, абсталяванне будынкаў і збудаванняў (цеплагазазабеспячэнне, вентыляцыя і ахова паветранага басейна)», адбылося ў філіяле кафедры цеплагазазабеспячэнне і вентыляцыі на тэрыторыі ПУ «Брэстгаз».
Заліковыя кніжкі першакурснікам уручалі генеральны дырэктар УП «Брэстаблгаз» Яўген Аляксандравіч Казімірчык, дэкан факультэта інжынерных сістэм і экалогіі Алег Паўлавіч Мешык і загадчык кафедры цеплагазазабеспячэння і вентыляцыі Уладзімір Генадзьевіч Навасельцаў.

Сярод першакурснікаў 14 студэнтаў, паступілі па мэтавым наборы. З іх восем чалавек атрымалі накіраванне ад УП «Брэстаблгаз».

Акрамя цырымоніі ўручэння залікаў, для студэнтаў правялі экскурсію ў навучальны цэнтр ПУ «Брэстгаз», дзе студэнты азнаёміліся з сучасным абсталяваннем, якое выкарыстоўваецца ў газавай гаспадарцы, і даведаліся больш пра спецыфіку будучай прафесіі.