18 чэрвеня 2024 года ў Брэсцкім дзяржаўным тэхнічным універсітэце адбыўся ўрачысты выпускны баль для лепшых студэнтаў, якія прадэманстравалі выдатныя вынікі ў вучобе і навуковай дзейнасці. Гэтае свята стала сімвалам дасягненняў і магчымасцяў для далейшага развіцця маладых спецыялістаў.

Мерапрыемства пад дэвізам «Час выбраў вас!» прайшло ў Брэсцкім абласным тэатры лялек. Рэктар БрДТУ Сяргей Антонавіч Каспяровіч павіншаваў лепшых выпускнікоў з паспяховым заканчэннем універсітэта і пажадаў ім далейшых поспехаў у кар'еры.

«Мы ганарымся вамі, паверце, як прыемна мне, рэктару, вашым дэканам, вашым выкладчыкам бачыць ужо тыя поспехі, якія вы змаглі атрымаць, дасягнуць на студэнцкай лаве. Ваша выдатная вучоба, вашы перамогі на навуковых конкурсах, ваш актыўны ўдзел у грамадскім жыцці, у будатрадаўскіх праектах, удзел у конкурсах прыгажосці, творчых конкурсах, перамогі на іх. Паверце, для нас гэта шчасце. Мы гэтым жывем. Мы жывем вашымі поспехамі. Для гэтага існуе універсітэт і горда нясе сцяг вядучага тэхнічнага ВНУ нашай краіны!

Ну а самае галоўнае, верце ў сябе, Ідзіце наперад, ляціце да зорак, не згасайце і вяртайцеся да нас. У добры шлях, нашы дарагія выпускнікі. Дзякуй, што вы былі з намі ўвесь гэты час!» ― звярнуўся да выпускнікоў Сяргей Антонавіч.

У рамках мерапрыемства былі ўручаны ўзнагароды лепшым выпускнікам. Яны атрымалі дыпломы за дасягненні ў вучобе, навуковай і грамадскай дзейнасці, а іх бацькі — падзякі за годнае выхаванне, садзейнічанне ўніверсітэту ў фарміраванні актыўнай грамадзянскай і жыццёвай пазіцыі.

Мінулы выпускны баль стаў яркай і запамінальнай падзеяй для ўсіх удзельнікаў. Ён прадэманстраваў, што БрДТУ рыхтуе высокакваліфікаваных спецыялістаў, якія будуць запатрабаваныя на рынку працы.